بسم الله الرحمن الرحيم
بعد قراءة المواضيع اعجبني موضوع للاخ ابو ماجد حموطة
يتحدث عن الاطفال بالشارع
لكن اريد ان اقول للجميع
الفتيات بالفرقلس احيانا لا يستطعن ان يخرجن من المنزل لتواجد العديد
من الشباب بالشارع و أحياناً على أبواب الدار أو على باب الحل
فأحيانا تسمع بعض الكلمات و بحكم انها فتات لا تستطيع الرد
ما الحل
ان قلنا تربية الاهل فهذا كلام خطأ لان الاهل هم الجالسون
هذا أمر واقع و تعاني منه جميع الفتيات
و الاشخاص يجلسون بعد مرور الفتات يتحدثون عنها و عن عائلتها الى حين وقوع فريسة جديدة (( فتات اخرى
أنا لم أدخل المنتدى و أكتب فيه لاني لم أجد من يسمعني أو يتهموني تهم لا تليق بنا كفتات و الجميع يعلم ان شعب الفرقلس شعب عصبي اريد الحل بالطريقة الشرعية او اخلاقية و هذه مشكلة من الاف المشاكل
و شكرا للجميع سلف

كلامك صحيح 100 % وما فيه شك ، ومن حق الفرقلسيات يعيشوا الحياة الطبيعية التي تعيشها أي امرأة في أي مجتمع شرقي.
وفي الفرقلس أكثر شيء بيؤسفني انه احيانا كثير من الأهل بيمنعوا البنت حتى تروح عالسوبرماركت هذه غلطة كبيرة وبعدين شو المشكلة اذا البنت راحت عالسوبرماركت مو المجتمع الفرقلسي مجتمع صغير وعائلة واحدة ، في كثير امور للاسف المراة الفرقلسية بتعاني منها ولفكرة كل مطالبها عادية وضمن الشرع ............ الله يهديهم

مع احترامي الك ابو ماجد مابدك يكون في سوبر ماركت لا تروح عليه
بلنسبه للشباب في الشارع انتا وانا بتعرف انه في الفرقلس كل عائله تقريبن معزوله عن ثانيه كله عمك اوخالك

موضوع جميل :o

الحل اول
لازم تقول لأهلها مين ابن الــــــ....... اللي عم يذايقها و يروحو اخواتها و عماماها يذبحوه قتل هوي و اهاليه و بهالحالة بيكون تربى و ثاني مرة لا هوي و لا امثاله بيسترجي يتنفس:x

بس بتوقع رح تصير مذبحة :tongue:

الحل الثاني
انه نربي هذا المراهق اللي عم يتسكع بالشوارع :albino:

الحل الثالث
انه يخرج معها محرم

الحل الرابع
انها تمشي بأدبها و تغطي وجهها و هذا حل بسيط و خلي أخو أخته يعرف مين هيي :sunny:

الحل الخامس
لازم يكون في خدمة التوصيل السريع إلى المنازل .... و بهالحالة ما بتعذب حالها و بتطلع للسوبر ماركت

الحل السادس
تختار اوقات مناسبة للطلعة يكون فيها الشارع فاضي .... معروفة عند الفرقسليين

الحل السابع << مزحة
بيقول المثل عدم المؤاخذة ... اللي ما بتمد رجلها محدى بسلقاها
و بتوقع لو مشيت بأدبها ما حدا بيحكي معها
و اذا حدى حكى تقلي و انا رح طبق الحل الأول :king:

هذا رأيي الخاص يحتمل الخطأ و هو غير موجه لصاحب الموضوع بل للموضوع نفسه

الحل الخامس
لازم يكون في خدمة التوصيل السريع إلى المنازل
فكره اعجبتني بس للاطفال هي خدمي اي طفل بالشارع بوصلوه الى بيته وهيك مافي داعي تطلع وتعرض نفسها للخطر

ابن البلد انا اسف ان اسأت فهمي او قصدي

انا كنت عم اتكلم فقط لمجرد العموم وليس قصدي الى الدكان فقط
فاطمة قالت الشباب يضايقونها
فقلت الحل البديل المحرم
اما الى السوبر ماركت والله ليس هنالك داعي مطلقا

ومشكور ابن البلد

يسلم ثمك يا ابو جراح
الفرقلس عيلة وحدة و مين قال في تلطيش للبنات
اخت فاطمة شايفك سكتي
:(

المشكلة اكبر من الفرقلس
المشكلة في الشباب نفسهم وفي عقد النقص عندهم
فكل قرية او مدينة عربية الشباب يتصرفون نفس الشيء
فإن وجد حل لعقدة النقص عند الرجال سنجد حلول كثيرة للمشاكل التي تواجه مجتمعاتنا

الأخت سارة كثيرا مانسمع عن أخطاء الفتيات التي لا تنتهي فالمشكلة ليست عقدة النقص عند الرجال المشكلة نقص الوعي عند الفتاة التي لا تستحق الحرية المطلقة

والله البنت تمشي بأدبها وتكون محتشمة ولا شب بيطلع عليها

بس اذا عاملة على وجهها كيلوا بويا اوشحوار اكيد كل العيون عليها

هدوا حالكوا ياشباب اللي لسا بيحكي بتلطيش البنات بيكون متخلف لعدة اسباب منها
1- الفرقلس كلها اهل وعيله واحدة
2- صرنا بالقرن الواحد والعشرين

وألف شكر للجميع
وللأخت فاطمة منقول السنة اللي جاي مقررين نعملكم طريق خاص زي ال w.c
للنساء ^ للرجال

البنت بأدبها تجبر الجميع على احترامهاااااااا

معك حق اخت فاطمه يعني احنا بعد صلاة المغرب مابنعود نقدر نطلع ليش لان الكل بيكون مجتمع علبواب وان كان ناقصك شي غرض بتطري دقي عدكان وطبعا فضول البياع يعرف مين انت رغم الصد بس لازم يعرف بحكم انو هلغرض بده يتودا عبيتك يعني فلنفرض بدنا شامبو فلي بيكون قاعد بلدكان بيعرف انو بيت فلان بدن يتحمموا فياويلك جرصه ايد بايد وفضيحه عنجد مو معقول ياترى الغلط منا او من الحوالينا

ماشي ولنفرض اخي موموجود شو اعمل عكل حال فعلا البنت بأيدها بتخلي الناس تحترمها

الصقر الجارح كتب:

البنت بأدبها تجبر الجميع على احترامهاااااااا

يسلم تمك ياالصقر والله كلنا بنعرف انو البنت المحترمة محد بقرب يمها .
وبالنسبة لتلطيش البنات :والله هالعادة انقرضت منذ سنوات كثيرة "اذا كانت موجودة بالاصل" والشباب عندنا بالفرقلس واعين كل الوعي بالنسبة لهل الموضوع .
((وانا بقول: للي بناقش بهل الموضوع :بطلت موضتو من زمان وكل واحد ملتهي بعملو "والله ايعين العباد"))
ياجماعة والله الموضوع مابدو كل هالشي ؟في شي اهم

أخت فاطمة انت يمكن عم تحكي عن غير البلد.....
انت مارحتي وشفتي بمكان ثاني وللأسف انت غلطانة.....
والله عنا شباب بالبلد أحسن من ميت ألف بلد والظاهرة اللي عم تتكلمي عنها مو بالفرقلس...
والبنت المحترمة مافي حدا بيقدر يحكي عليها ونحنا الشباب مافي عنا عادة التلطيش والحمدلله هاي الظاهرة عنا معدومة......

البنت قادرة تمشي بالشارع حتى بوقت متأخر من الليل ومافي حدا بيلطشها

بس شكرا الك كثيييييييييييييييير

ربما لايحق لي التعليق .. نظرا لأنني لا أقيم بينكم .. و لكن من ناحية أخرى فإن احتكاكي بأجيال متتالية من أبناء الفرقلس يسمح لي بإبداء رايي الذي مؤداه : إن شباب الفرقلس بالذات - ودون مجاملة- ليسوا من هذا النوع في الغالب الأعم ... خاصة بعد ما رأيته في بلدات أخرى .. و من التجني الحكم عليهم بهذه القسوة .. و الله أعلم
تقبلوا مروري

المسألة اللي عن نقاشها صعبة شوي مو هيك
بداية الامر ما بتوقع اي واحد من الشباب انو يرضى على حالو
ويخلي أختو تروح عالبقالة حتى لو كانت لحالها بالبيت
بدكو تقولو شو لو كانت لحالها؟ اقل من عادي أكيد عندها أقرباء ابن عم ابن خال ابن خالة يعني اي قريب
واذا كانت ما عندها اقرباء وقتها الله يساعدها
وبالنسبة للذهاب للبقالة او أي مكان ثاني فأول شخص رح يلطشها ويطلع عليها بشكل غير لائق هو صاحب المحل مو هيك ولا أنا غلطان وبصراخة انا لحد الآن ما شفت أي شب موجود بالشارع حكي أي كلمة مع البنت اللي ماشي بالشارع لأن وقت انا أسمع أي كلمة غلط موجهة للبنت اللي ماشي بالشارع ما رح أسكتلو مين ما كان يكون واكيد هاي حال الشباب كلها اللي موجودة في الببلد رح يسكت الشب يلي حكى مع البنت
وشكرا للجميع وطبعا هاي وجهة نظري انا وما في داعي تكون صحيحة

الاخت فاطمة كلامها صحيح
يمكن مافي ظاهرة التلطيش بالبلد
بس التجمعات اللي عم تصير من قبل الشباب بالشوارع هاذي ظاهرة فعلا عيب
والحريم عم تستحي تمر من الشارع من كثر الشباب
مثلا بعد كل وقت صلاة لازم تتجمع الشباب كلها على باب المسجد
ويجسلو يحكو قصص ومغامرات وراحت شي ساعة
فالافضل تلتغي هالتجمعات بالشوارع او على الزوايا
والبنت وقت رح تمر من الشارع مافي احد رح يسمعها كلام
بس وقت تروح الشباب رح يشغلو النميمة
شوفو بنت فلان وماشالله صايرة حلوة والله
وبروح لعند الشباب بالسهرة والله اليوم شفت بنت فلان بالصدفة وماشالله صايرة مااحلاها
احسن شي كل شاب يقضي غرضه ويرجع على بيته
ياخي من شو بتشكي سهرة البيت والله احسن من الجلسة بالشوارع

بعدين ماشالله عليكم ياشباب كل واحد عم يحكي شكل
واحد بيقول لاتروح عالسوبر ماركت
والثاني بيقول اي خليها تبعث اخوها او ابن عمها
ليش البنت ماعندها مشاوير غير عالسوبر ماركت
بركي عندها جامعة وبدها تروح عالجامعة
شو رأيكم تبعث اخوها مكانها عالجامعة
اوحابة تروح لعند رفيقتها
شو رأيكم تبعث اخوها كمان بسولف مع رفيقتها وبجيب لها الاخبار
عشان هيك مو كل واحد يجلس يسولف سوالف وهوي مادد رجليه
فيكم تلغو هالتجمعات بكل بساطة بالشوارع
واللي بحب يمشي بالشارع المفروض يعطي الطريق حقو وبس

أخت فاطمة الحل سهل نقولو بس التتطبيق صعب وهو أن يرتجع الناس كبيرهم قبل صغيرهم الى دين الله سبحانه وتعالى