السلام عليكم
سوف نتحدث اليوم عن إحدى المظاهر إلي تتحدث عن حياة الشاب الواقعية ونشأتها في منطقتنا أو من الممكن في منطقة من المناطق .
كلنا يعلم عند بلوغ الطفل السابعة من العمر هو الآن في سن دخول المرحلة الابتدائية .
وينهي الطفل المرحلة الابتدائية ليدخل الإعدادية ثم الثانوية .
ليدخل الشخص في مرحلة الثانوية وهي مرحلة المراهقة وما إدراك ما المراهقة
ليدخل مرحلة التفكير والصراع الداخلي بينه وبين ما يريد
وهو أمر عادي وروتيني في هذا السن .
لكن الطفل في منطقتنا (اسمحوا لي أن اسميه طفل لأنه ما زال طفلا لا يدرك ما يريد يعني بل العبري مو عرفان شو بدو )يبدأ بل التجول في خياله والعيش با احلام كثير ة واحدى هذه الاحلام ما ذا سا كون وماذا ساصبح
طبعا المراهق العادي او أي مراهق في هذا السن يفكر في هذه الطريقة
لكن المراهق في منطقتنا
له تفكير اخر ومختلف دعونا نسميه حلم بدل من التفكير
وهذا الحلم متمثل بكلمة بسيطة وجميلة بل النسبة لابناء منطقتنا
واليكم الحلم الحدث (الرجاء من القارئين الكرام اخذ نفس عميق قبل قراءة هذا الحلم )
الا وهو (السفر)طبعا الكل يوافقني الراي حلم هو عبارة عن كلمة جميلة اخاذة فاتنة لا نستطيع وصفها لجمالها ولا نستطيع الا انا نق ونمدحها كي لا نخدش شعور وبهجة هذا الحلم الانيق
والسفر بل النسبة لا بنائنا هو الرجولة ومن دون هذا الحلم الرجولة غير مكتملة (طبعا فكرة الدراسة والتعلم يعني مستبعدة حاليا او يعني تاتي بل المرتبة ثانيا واخيرا )
ويبدا مشوار الحلم دعونا نعيش هذا الحلم قليلا سوية نبدا ببناء قصور في خيالنا وبناء وقيام با عمال والقيام بكذا وكذا .
وفجاة عند الصحو من الحلم يعني راح نكون متحمسين زيادة عن الزوم وراح نقوم بعمل خطوة مهمة بتاريخ الامة
الا وهي اجراء اتصال مهم
طبعا الكل لازم يتوقع هل الاتصال مع مين بدو يكون ؟
بنكفي البحث بطبيعة الاتصال
(يعني في الدرجة الاولى لازم ما ننزل من درجة اهمية الاتصال (يعني فينا نقول تقريبا اتصال يشابه اتصالات الرئساء لحل ازمات الدول )يعين على سبيل المثال ( الكل يتذكر كلمة مثال ) الاتصالات التي تجري بين الوزراء والمسؤولين المعنين لحل ازمة البطالة مثلا في بلد معين (س) وطبعا الحمدلله هذه المشكلة في بلدنا في بلدنا غير موجودة نهائيا فنحن نعيش في بلدنا الام حياة دينية متكاملة الجوانب ونعيش حياة ملىء بل النعيم والرخاء يعني نحسد على من جميع العالم (حتى الدول العظمى تحسدنا عليها)يعني باختصار نحن في قمة الرضا والسعادة وليس هذا فقط نحن نستنشق السعادة والحرية الدينية استنشاق لامثيل له صباحا ومساءا .
ويعني رجاءا رجاءا لانريد احد ان يؤوول الافكار كما يريد (يعني طلب خاص ).
ونتابع طبيعة الاتصال الذي سيحدث .
ويقوم الابن باجراء اتصال خاطف وهو طبعا في قمة الحماسة مع والده.
وراح نتوقع سلف يعني طبيعة او مجريات الاتصال .
الابن: مرحبا بابا
كيفك وكيف صحتك وشو اخبارك وكيف شغلك (يعني كلمة انشا لله يعني من الممكن تكون نادرة كندرة الياقوت )
الوالد:اهلين خير شوفيه شو بدك يعني وبعدين تعال لهون خليني اشوف شو هل الاخبار الي عم اسمعها عنك (كلمة كيفها دراستك ممكن مستبعدة حاليا ) شو هل الشلة الي سمعنا عم تمشي معها والله (يعني يمين معظم ) وكانو كلمة الله لعبة بالسنة الناس . ان سمعتك ماشي معهم مرة ثاني غير لاجي واخلي كل اهل الله تتفرج عليك .
طبعا كلام الناس الطبيعي شلونك يا ابني وكيفها صحتك وكيفها دراستك وطمني عن صلاتك
ورضا امك عليك دير بالكم حدى يتوقع كلام من هذا النوع (يعني كلام ما الو داعي او متل ما بيسموه كلام بلا معنى )
الابن:والله يا بابا مافي من هل الكلام واذا بدك ترتاح خليني أقول كلمتين انا والله يا بابا مو خرج دراسة يعني اذا بد كياني قدام عينك خليني اسافر لعندك وبابا يعني أنت بتعرف الدراسة ما بطعمي خبز (شو يا جماعة الدراسة بطعمي ولا بطعمي خبز ؟) انا برأي يعني خليني أقول بصريح العبارة والله يمكن ما بطعمي نص خبزة
على بنكفي
الأب:والله بعرفك ما خرج يعني لمين بدك تطلع يعني غير لامك ولخوالك الفاشلين
بس امك كاسري ظهري شو بدو يطلع من ورا هل الدراسة مو عرفان يعني غير بدك تشحد على بكير
كل واحد يدبر راسو انا الي علي ساويتوا قال بدهياك تدرس أي روح عنا لامتى بدي اضل ماشي ورا راي امك هي ما بتعرف مصلحتك مصلحتك أنا ألي بعرفها (يعني ممكن تكون مصلحة المستقبل شوفير كر يدر الله اعلم )
الابن :امي شو بيعرفها بمصلتي انت ادرى واعرف انت مسافر ورايح وجاي
الأب:أي مو مشكلة بكرا بنشوف
ويغلق السماعة بدون أي كلمة (يعني سكر بوجهوا )
يعني والله انا مو عرفان شو كان بيخسر اذا قال دير بالك على حالك وعلى اهلك يلا مع السلامة
الجواب عندكم
وبلا طول سيرة يعني يكفي اليوم بعدين بنكفية للحلم ولا شو رأيكم
بعد الكلام الصلاة والسلام على سيدنا محمد خير الانام
طلال

أول شي الله يعطيك العافية يا طلال عالموضوع الشيق جدا ً

<<< تمنى أنو أبوه يقوله نفس الكلام بس للأسف كان يشده وقتله عالدراسة

و أنا معاك حتى نهاية الخبر ..

أتمنى بعد ما ينتهي مسلسلك إنك تحكي عن الشغلات الإيجابية كمان فينا ..

لا تنس طلول حبيبي ..

أنا كان جاي عبالي تكفي الحلم والله .. < << الأخ هون بيحب الأحلام والقصص..

وبالتوفيق يا رب ..

الله يعطيك العافية طلال
عندي نقطتين
1- الوالدين نعمة برأيي الخاص مهما فعلو (بيمونو ع الرقبة)
2- بالنسبة للدراسة و الخبز
شوف الله اللي بيرزق
في جاهل فقير مقابيلهم متعلم فقير
و في متعلم غني بالمقابل جاهل غني
الرزق منعند رب العالمين
ما دخل الدراسة
المهم التوكل على الله وحده



الله يجزيك الخير
و بدنا من الشباب يشاركو بالرأي

ولك شايفين شلون الكلام الطالع من القلب شلون مكانه القلب
اما النسخ و اللصق و الله ما بيفيد غير القليل القليل

روح ابو الطل
قلبنا معك
قول الله

اخي ابو هاروون
طبعا بيمونو على الرقبة
بس نحنا عم نحكي واقع عام
يعني مثل ما بيقولو اذا كبر ابنك خاويه
ويمكن هل الشي مستبعد بمنطقتنا
والله يرزق الجميع صحيح
بس يعني نحنا عم نحكي عن حالة وواقع
وبل الاخير مجرد كلام بيحز بل القلب

شكرا على ردك محمد نزيه
بس يعني انت تابع للاخير
وبعدين اذا في ايجابيات يعني اكتبها انت من شان نستفيد منك ونفتح على ايجابيات ما بنعرفها والك الثواب

إن شاء الله أخ طلال أبشر من عنوني هههههه

ان الله تكفل برزق طالب العلم رد على ان العلم ما بطعمي خبز مو خص العلم الشرعي اي علم ولكن نحن للاسف بس نسمع طالب علم يعني طالب شريعة

واذا كان النبي عليه السلام قال ان الله تكفل برزق طالب العلم

فلما نخشى الفقر وكلنا عبيد للغني جلا وعلا

الموضوع مو ضوع توكل على الله عز وجل



وشكرا كتير اخي طلال انت عم تنقل الواقع وكلامك واقعي ومنطقي

يا جماعة نحنا عم نحكي على لسان المراهق
يعني ما عم احكي وجهة نظري
لو اقتناعي بل العلم عير هيك اخي ابو محمد ما كان كفيت تعليمي
الله هو بيرزق الجميع
ركزو بل القراءة وافهمو الفكرة يا جماعة

انا فهمان عليك :roll:
ردودنا مو موجهة لشخص حضرتك استاذي طلال :arrow:

نحنا عم نرد على حوار (الاب و الابن) اللي ذكرته بالقصة

اما نقلك للواقع فهذا شيء جميل
و اتوقع ما حدى بالمنتدى اتجرأ لينقله :no:


ثانياً اخي محمد نزيه انت بردك على طلال بالشكل هذا قمة السلبية :x
يعني لحد الان ما تعلمنا كيف تكون حرية التعبير :oops:
اترك الرجل ليصف الواقع و الواقع في بلدتنا الفرقلس انت و انا نعرفه
و اذا كان عندك موضوع عن الايجابيات اكتبه :heart:
و انا بعرفك كاتب مرموق ((بس مارح توصل لمرحلة طلال ))

طلال الله يجزيك الخير :star:
محمد و ابو محمد كمان الله يجزيكم الخير بدونكم مارح تعمر بلدة الفرقلس :sunny:
ابو هارون

شكرا جزيلا
طلال والله انا كنت قاصد الحوار بين الاب والابن مو قصدي عليك

أولا
الله يجزيك الخير على جهودك
و استمر بهذا الموضوع لاسباب عدة
منه ان يرى كل شخص عيوبه و يرممها
صحيح ان كل هذه الامور موجودة و بشكل كبير في مجتمعنا ارجوا من الشباب الرد بكيفية حل هذه المشاكل و الامور السلبية
و يقول المثل ان خليت بليت
في بالفرقلس امور ايجابية لكنها ليست بالنسبة و لا بالمستوى المطلوب
اقتر على الجميع ان يردوا بحلول المشاكل ان استطاعو
و على هوى امكانيتانا سنحاول
و هناك سؤال
هل فكرنا بان هناك اسباب لكل هل المشاكل
انا سأكتب سبب و اتمنى من الجميع التفكير بالاسباب الاخرى لكي نحاول حل هذه الظواهر
اول سبب هو الفراغ و عدم املاء الوقت بشيء مفيد و قلة العمل
صحيح ان منتدانا جديد لكن ان شاء الله بفضل جهود الجميع سيوصل صوتنا الى كل من يهتم
و أخيرا
جزاك الله خير على تعبك و ارجوا منك المتابعة و ان استطعت اعطي بعض الحلول التي تقترحها
و لكل الشباب الف شكر و جزاكم الله الف خير

مشكور اخي عمر على ردك وانشالله الكل يشارك
وشكرا الك ابو هاروون على الاطراء الجميل سلمت

اذا اعدنا النظر في القصة التي كتبها الاستاذ طلال سنجد ثلاث عناصر اساسية :
1- اسلوب الاب المتسلط نسبياً :twisted:
2- سذاجة الابن :suspect:
3- الام (الفهيمة) :cat:

اما عن اسلوب الاب ::twisted:

- يختف هذا الكلام من اب لأب , كما يقول البعض (( الابهات حظوظ))
- يجب ان ننتقد انفسنا ...و اتوقع ليس ممن رد على الموضوع في مرتبة الاب سوى عمر:(
- حل هذه المشكلة مستحيل حالياً .... لكن في المستقبل اي من الاباء الجدد فهو ممكن و ذلك بتغيير اسلوب التعليم الاعدادي <<<< عيش يا ؟؟؟؟ لينبت الحشيش ..

اما عن سذاجة الابن :
- ذكرت انه مراهق ...اي لا يعتد بكلامه .... و الاكثر مراهقة هو الاب :x
- يجب على الاب شحذ همة ولده على الدراسة ...كضرب الامثلة بأقرانه او بأشخاص درسو و نجحو في حياتهم العملية .... :sunny:
- قولة الكبارية ....((الكلب اللي بدك تنخشه ع الصيد ما بدك صيدو )):geek:
- الحل ..... ترك الابن و شأنه و لا تحرص عليه كثيراً .....لان كلما جبرته على الدراسة سيكرهها ... اتركه يقرر مصيره ....و لكن ساعده

اما الام (الفهيمة)::cat:
- الله يكثر من امثالها ....:star:
- يعتقد المراهق ان امه تريد منه ان يصبح متعلم من اجلها ...اي من اجل ان تفتخر به هي
... و نسي هذا الساذج ان دراسته لن تنفع امه او أبوه .:( .... و كلنا يعلم انه هو فقط المستفيد....لكن هو لا يعلم هذا الشيء:|
- الحل ......... يجب ان تعيد الام نظرها بالاسلوب الذي تربي به ابنها .....ان تربيه على الاعتماد على الذات و تقرير المصير بشكل جدي .... :arrow:
- لا يمكن الحكم ان الام محقة إلا بعد النظر بوضع هذا الابن ..... (( هل هو خرج دراسة و لا عم يستهبل ))




الاستنتاج :
-في حالتنا هذه يوجد عقدة .....ان كلا الطرفين-الاب و الابن - يرضى بعدم الدراسة
و لا يمكن لقوة بشرية ايقافهما -حتى لو كانت وزارة الداخلية ((الام )) -

-و لا يمكن القول ان هذه الخطوة خاطأة إلا بعد النظر في وضع هذا الابن ....
و اتوقع في غالب الاحيان ان الاب محق في تقرير مصير ابنه لانه ما كان ليقول له اترك الدراسة لولا انه علم انه ((ولد مو خرج دراسة))
لانني --برأيي الخاص -- لا اتوقع اب لا يحب لابنه الخير دائماً





هذا مجرد رأي ممكن ان يصيب و ممكن ان يخطئ:king:
جزاكم الله خير
أبوهارون

طيبة ابو هاروون ما بيحللها مثلك غير الي فهمها
وانت ابو هاروون
او يمكن قلمك السحري اشتغل
اي من زمان شغلو يا معلم
وبدنا من الجميع تشتغل اقلامهم السحرية
ولا انت شو رايك محمد نزيه
خلي عند الجميع جراة على نقل الواقع متل ما هو
من شان ما نروح شي من جماليتو
صح اخي ابو هاروون
روح ابو هاروون انت الوحيد الي كلامك بيعبي راسي
الف شكر ابوهاروون
وتحياتي الطيبة الك

موضوع جميل ارجو التواصل به
طلال و ابو هارون معهم حق
لكن الدراسة بتبقى دراسة
وين ابو محمد يقلنا احاديث طالب العلم

مشكور ابن الفرقلس على مروروك
وشكرا لاهتمامك بقراءة القصة

اليوم محمد نزيه و ابو محمد و عمر ما شفنا رقعة وجههم
وين الشباب يا شباب

للرفع و اعادة النقاش

وين الشباب

سيدي العزيز طلال :
بحديثك حطيت ايدك عالجرح بس انت شملت الجميع يعني بدي احكيلك( لكل قاعدة استثناء )يعني ماكل الاباء هيك عم تسوي لانو في ناس عم تدفع ع اولادها مافتح رزق عشان تتعلم وماتعيد السيناريو القديم .

موضوع جميل أبو الطل