وجهة نظري في موقع الفرقلس

تعالو معنا لننظر إلى مجتمع الفرقلس

مجتمع الفرقلس : النصف متعلم و النصف الاخر غير متعلم

النص المتعلم : نصفهم عندهم كمبيوتر و نصفهم ليس لديهم كمبيوتر

النص اللي عندهم كمبيوتر : نصفهم عنده انترنت و نصفهم لا

النصف اللي عنده انترنت : نصفهم بيفوت على موقع الفرقلس و النصف الثاني بيكتفي باستخدام الماسنجر

النصف اللي بيدخل على موقع الفرقلس :نصفهم زوار و نصفهم اعضاء

الاعضاء : نصفهم زعلان و نصفهم رضيان

الاعضاء الرضيان : نصفهم بيكتب رد و نصفهم ماله حيل يكتب و لو كلمة شكر

الاعضاء اللي بيكتبو رد : نصفهم بيتابعو مواضيعهم و نصفهم لا

الاعضاء اللي بيتابعو مواضيعهم : الله يعطيكم العافية ما ضل حدى







تعالو لنشوف سوى كيف صارت الاحصائية

مجتمع الفرقلس :7000

النص المتعلم : 3500

النص اللي عندهم كمبيوتر : 1750

النصف اللي عنده انترنت : 875

النصف اللي بيدخل على موقع الفرقلس :437

الاعضاء : 218

الاعضاء الرضيان : 109

الاعضاء اللي بيكتبو رد :54

الاعضاء اللي بيتابعو مواضيعهم : 27

فاتوقع ان العدد الان في موقع الفرقلس حسب الاحصائيات ممتاز جدا على فرض ان هذه النظرية صحيحة

يعني اذا انت رديت على هالموضوع فاعتبر نفسك انو انت واحد من اصل 260 فرقسلي غير قادرين على الرد على هذا الموضوع



اتمنى للجميع التوفيق




http://www.frkls.com/stats.htm

شكرا يا ايو هارون على الاستنتاجات المبينة اعلاه
لا اود ان اقول ان كلها صحيحة انما قريبة من الصحيح
على كل حال اتوقع ان عدد الاغضاء الداخلين على الموقع من داخل الفرقلس لا يتجاوز ربع الداخلين على الموقع وذلك للكلفة الكبيرة نسبيا ولبطئ سرعة النت
ومن ناحية ثانية لو قارنت عدد المشاركين بمواقع قرى او نواحي بحجم الفرقلس لوجدت ان النسبة للفرقلس افضل بكثير

واذا اصبح بموقع الفرقلس امكانية للمحادثة (شبيه بالماسنجر )وسهل نسبيا لوجدت ان عدد الداخلين للموقع سيتضاعف عدة اضعاف
ولو كان هناك اعضاء من الفرقلس او من المغتربين يتابعون اخبار بلدهم واخبار اولاد بلدهم بالغربة لوجدت المتابعين للموقع اكثر واكثر
وكم جميل ان نفتح الموقع لنجد اخبار البلد وابناءها مذكورة بكل مصداقية

هذا رايي والراي النهائي لاصحاب الراي والقرار
شكرا على الموضوع المطروح

بسم الله الرحمن الرحيم

...من وجهة نظري موقع الفرقلس تجربة ممتازة لاتزال في البدايات...... وتحتاج للمثابرة والمزيد من العمل المتواصل

جزيل الشكر لصاحب فكرة الموقع وكل من يحاول رفع مستواه بمشاركات قيمة


د.جهاد

مشكور ابو هاروون
تحليل بمكانو
وبعطيك عشرة على عشرة
اما بلنسبة للاعضاء الرضيانين وما عم يكتبو معهم معهم بيتحسنو
انشالله
اما الزعلانين
مصيرهم يرضو
ومشكور

وجهة نظري حول الموقع أن هناك نقاط ايجابية وبعض النقاط السلبية نذكر منها ما يلي

النقاط الايجابية

1. الموقع أعطى للفرقلس بعدا جديدا بالثقافة ونشر المعلومة عبر النت
2. الموقع فتح لشباب الفرقلس طرح ومناقشة أي موضوع والبحث عن صحة ما يكتب أو ما ينقل من مواقع أو مصادر ثانية (إحياء روح المناقشة والبحث)
3. الموقع له الفضل بتعارف قسم كبير من أبناء البلد رغم دخولهم بأسماء مستعارة
4. الموقع مفتوح للجميع وعلى الجميع
5. سرعة وصول إخبار البلد والتفاعل مع الخبر إن كان بمباركات الأفراح أو المشاركة بتعازي الأحزان وأينما كنت
6. تبادل ونشر معلومات عن الفرقلس من أكثر من مشارك
7. رغم حداثة الموقع فان الدخول علية أصبح سهلا واسم موقع الفرقلس موجود بمعظم محركات البحث وهذا بفضل كثرة مشاركات أبناء الفرقلس

أما السلبيات بوجهة نظري

1. قلة ما كتب عن الفرقلس ( ماضيها وحاضرها ) وهذه أسهل وسيلة لتعريف العالم بهذه القرية الصغيرة نسبيا
2. قلة استخدام ودخول الرعيل الأول للموقع (كبارالسن بالبلد أطال الله بأعمارهم ) وقد يكون سبب ذلك وعدم الإلمام باستخدام الكومبيوتروالنت إضافة إلى الكلفة المادية التي قد تكون كبيرة على بعضهم وذلك للاستفادة من معلوماتهم التاريخية القديمة
3. قلة الشباب المتحمسة لتكون نقطة الوصل بين الرعيل الأول والموقع
4. دخول قسم كبير من أعضاء المنتدى بأسماء مستعارة ؟؟؟
5. الموقع ما زال جديدا نسبيا ويلزمه تطوير مستمر (وارجو من القائمين علية معالجة ذلك)

مشكورين على الردود شباب
و املنا بالجيل القادم يكون فيه خير
لان انتشار الكمبيوتر و تعللمه صار بمتناول الجميع

يعطيك العافيه ابو هارون ما قصرت تحليلك منطقي جدا

الله يعطيك العافية السيد أبو هارون

تحياتي أبو رياض كيف أخبارك حبينا انمسي عليك

شكرا أبو هارون والله يعطيك العافي
كيفك أشهد الصليبي وكمان أبو رياض تحياتي لكم

شكراً على الإحصائية الجميلة
خفت إذا ما رديت تعتبروني من النصف الثاني

والله كلامك صحيح وبنتمنى التقدم والتطور للبلد واهل البلد بالايام القادمة

مشكور اخ ابو هارون والله يعطيك العافية
بس زيد على يلي بيظيفو رد واحد بيصيروا 55
لاني ماني من الفرقلس
وعلى راسي جميع اهالي الفرقلس

شكراع الردود

بالفعل صار بدها ابديت

ووجهة نظري في موقع الفرقلس

موقع حلو يجمع ابناء الفرقلس

لكن الذين يدخلون عليه مازالو شريحة قليلة من الفرقلس تمثل بعض اولاد الاغنياء وقسم من المغتربين

ولكنه خطوة كبيرة بطريق اظهار والتعريف بالفرقلس ووسيلة للتواصل والتعارف

نرجو له التقدم

حبيبي ابو هارون انا شايف انو حياتك كلها ارقام بارقام
الله يعطيك العافيه ع كلن

صخري كتب:

حبيبي ابو هارون انا شايف انو حياتك كلها ارقام بارقام
الله يعطيك العافيه ع كلن

الله يعافيك

مين قلك هالاشاعة
كلها مجرد عملية قسمة على 2

مشكور والله يعطيكم العافيه هالموقع بالاضافه لأنو جمع أبناء الفرقلس من أنحاء العالم بس العفو بنفس الوقت بعض المشتركين أو الأعضاء فضحونا
رغم كل شي الله يعطيكم العافيه من يوم افتتحتوا هالموقع بطلنا نتصفح الويب الا عهالموقع

مشكور ابو هارون بصراحة افكارك بتعجبني
ومثل ما قال الدكتور حمزة( خفت إذا ما رديت تعتبروني من النصف الثاني

لا و لو

انت من النصف البرجوازي ابو محمد

يعني ردك بيشرفني و ردود الشباب كلها بتشرفني

بس ردك اله نكهة أخرى عدم المؤاخذة

اقدم شكري الى كل المشاركين واخص بالذكر كل من ابو هارون و الدكتور ابو امين والعم ابو قاسم فقد قاموا باعطائنا صورة كاملة عن الموقغ

واحب ان اضيف ان الموقع هو للفرقلس ولاهل الفرقلس ولمحبي الفرقلس

شكرا لكل من علق على الموضوع وبيضل هالموقع بي ريحة الفرقلس من قبابها القديمة الى الكريدرات الى اخبار وصور الفرقلس ننقاشات اولاد الفرقلس

وجزا الله خيرا لكل المشاركين والقائمين على هالموقع

مشكور ابو هارون
بس لازم تعذر بعض العالم الي من النص الثاني
ربما مشاغلهم كثيرة

اني اجيت
يخيي لا تويخني تأخرت بالرد
كنت عم صيد عصافير بالضغطية
معليش حطلنا نص لاصحاب المشاغل على قولة الاخ عمر
انا من اصحاب المشاغل الحرة

السلام عليكم ...................مشكورين على هذه اكلمات المذكورة اعلاه واخص بالشكر السيد أبو هارون (الفالي) بالنسبة الى موقع الفرقلس الله يعطيكم العافي ما بتقصرو ومشكورين على كل كلمة بتنحكة بالموقع عندي تعليق على السيد ابو هارون من شان نسبة الاعضاء والزوار بناحية الفرقلس يا اخ ابو هارون بدك تبوس ايدك وجه وقفه انو في عالم او اشخاص بنسبة عالية جدا بتفتح موق الفرقلس بس اغلب يلي بيفتحو الموقع بيفتحو على شان يعرفو شو يعني انترنيت بمعنى انو كل شخص بالفرقلس بالفترة الاخير صار عندو انترنيت ومن كتر ما سمعو عن موقع الفرقلس صارو يفتحو الموقع بس ليش وكيف بدهون يبلشو صدقني مابيعرفو انا برد بذكر مو الكل بس صدقا في عالم من الفرقلس بتفح الموقع مابتعرف تبلش المهم عند اي شخص بالفرقلس هو الماسنجر وكيف بدو يحكي مع اقربائو بالكويت والامارات وقطر حتى انو كيف بيفتحو الماسنجر مابيعرف فخليها على الله
ومشكورين بس امانة ماحدى يزعل ماقصدي ازعل حدى بس حبيت ابين كيف يلي بتفتح نت بالفرقلس بيستخدموا
بالنسبة لشعب الفرقلس وربي احسن من كتير عالم بمنطقة حمص يعني انا واثق انو بمنطقة قريبة من الفرقلس ما بيعرفو شو يعني نت والسلامة عليكم

هلا بالجميع نورتو الموضوع

انتو واجهة الفرقلس