أيام كنا أولاد صغار يعني من شي خمسين سنه تقريبا رحت على موتورات الشركة وجبت شريط شائك وأخذتو لسليم بن مطانس الموسى سوالي منو فخ وعطيتو اللي فضل من الشريط ورحت على السعن مع محمد بن أحمد السليم بعد حفرنا تحت اساس دار القصيري وحصلنا على دود( داعوس ) ونصبنا الفخ بالسعن وصرنا نصفر مندرج الدرج باتجاه الفخ المنصوب وكم كانت فرحتنا كبيرة عندما يفقس الفخ ونصيد الدرجة وكنا نراجع سليم الخبير بالأفخاخ منشان يرخيلنا الراصور شوي منشان نصيد الدرجه وتظل طيبه

دواس الحماد كتب:

وكنا نراجع سليم الخبير بالأفخاخ منشان يرخيلنا الراصور شوي منشان نصيد الدرجه وتظل طيبه

معناته شقد شادد على الفخ حتىكان يقتل الدرجة
بتوقع اطيب صيد صدته يوم كنت صغير

كنا نعمل شعب (نقيفة) و نصيد بس العصفور يوم تصيبه الحجرة يصير معه نزيف بالدماغ و يموت

علي وابن البلد انتوا شو شفتوا أنا مواليد 1950 يعني يوم كنا احنا نصيد بالفخاخ انتوا بعد ما كنتوا موجودين بالدنيا ويوم يصير عمركم بعمري رح تقولوا بتتذكروا الصيد ببارودة الضغط الله يرحم هذيك الأيام لأنه بتكون انقرضت

نمر بن عدوان مواليد 1950 طالب جامعي

نمر بن عدوان .... العمر 22 سنة ... مواليد 1950 .... ما عم تزبط معي

* هوي قصدو 22 سنة فرقلسية


* يعني بالقلم نشرح كل سنة من عمرو لنمر = 2.6363636363 من السنة العادية


* منورين الشباب ..... والصيد للي بحبو مثل النيكوتين لا والله مثل الهيروين

معقولي مواليد 1950 طالب جامعي

الاخ تشالنجر ... ذكرتني بالنكتة الظريفة اللي بتقول ( جبر .. من بطن امه الى القبر ) شكرا على المداخله

حلوة هالذكريات البريئة

اقتباس :

وبتمنى من جميع الأعضاء يتفهموا ويكبرو هالعقل شوي

اقتباس :

وشقد مواليده اللي هي سبب خلافكم يا أصحاب العقول الصغيره يعني الواحد فيكن اذا حرك مخه شوي بيتعب ولا بيموت

* نحنا مداخلتنا يا أبو عقل كبير لخلق روح الفكاهة اللي أنت يبدو صعب تفهمها

* تفضل تحفنا بعقلك الشغال نحنا عقولنا وقفت .

* أنا من جهتي إذا حركت عقلي ممكن أموت مو بس أتعب

ذكريات ومرت

العفو منك سيد نمر ... انت كاتب بعلوماتك الشخصية تحت نمر بن عدوان العمر 22 سنة و كاتب في ردك على ابن البلد و علي موليد 1950 .... يا اخي بدنا بس تصحح المعلومات اللي عم تكتبها و لا الواحد بس المهم انو يكتب اي شي و لما بيلاقي تعليق ما بيعجبو بيزعل ... يا صحب العقل الك..............بير

الى الأخ تشالنجر ( الله يرحمك ) بجوز انك متت وانت عم تكتب ما سبق لأنه الظاهر انك حركت عقلك لشي مئة عام لقدام هي مو اسمها فكاهه هي متاقه
والى الأخ العقيدي بتمنى ترجع وتقرا أنا شو كتبت مليح أنا قلت قد نكتب ذكريات ابائنا
أو أجدادنا وبما أنه الموضوع اللي كتبه رجل بعمر أبوك فاللي كتب الموضوع هو ذاته اللي رد عليه فهمت يا ولد
مشكورين الجميع وأصحاب العقول الراجحه

اسمع يا سيد نمر : اذا كان الشخص اللي كاتب الموضوع هو نفسه اللي نازل باسم نمر و فعلا رجل بعمر ابوي .. فياريت تغير تاريخ الميلاد اللي مسجل بالبطاقة الشخصية
ثانيا : انا ما راح ازعل من كلمة ولد لانها عند العرب تعني الشاب في مقتبل العمر
اما اذا بتقصد فيها الاهانة فهي مردودة عليك ............ و سلامتك

شكرا لكل الشباب المشاركين بالموضوع

يا شباب كنا بموضوع ذكريات صيد الدرجة صرنا بواقع تصيد بعضنا البعض

الفكرة وصلت حول الموضوع لعل الكاتب سمع القصة من احد اقربائه الكبار واحب ان يوصلها

ومن ناحية ثانية لسع بي درج بالفرقلس للصيد

ارجو من ادارة الموقع ايقاف المشاركات الغير مناسبة

وشكرا للجميع

* مثل ما تفضل ابن الفرقلس ... ما رح نرد عليك .

* من ديننا و عاداتنا وشيمنا التسامح مع الجميع بس مو على حساب الخطوط الـ//////

* مع التحية للعقيدي ملك وكالة المنصور ...

thak yuo challenger

كالعادة

بس شفت موضوع طويل
اعتبرو في علقة

بس ما سمعان صوت رصاص

معناته اسلحة بضاء لحد الان

بس اشتغل الرصاص لا تنسو تصيحولي

عندي بارودة ضغط ...

مشكور ابو يمان على المشاركة

بس كان لازم تعرف الشباب بحالك على شان ما حدى يغلط معك

مشكور اخ نمر بن عدوان على المشاركة اللطيفة
بصراحة كنت متشوق لمعرفة طرق الصيد القديمة لانني لا اعرفها
ولكن للاسف الشديد كنا بشي وصرنا بشيئ اخر
مثل المثل القائل : كنا عم نحلق صرنا نخلع سنان

شكرا لكل المشاركين على هالموضوع بس شايف انو المشاركات ياللي خارجة عن الموضوع صارت اكثر من عدد الدرجات ياللي انصادت بالفرقلس

ولا انا غلطان

الشغلة بسيطة و ما بدها زعل
كلنا اخوة و كلنا بنعرف بعض

اخي القصة كلها انو اخونا نمر حابب يعزمنا عزومة حمام و درج
و مشتهي ياخذنا معه

انا هيك سمعت

ما بعرف عاد شو رايه

أهلا وسهلا فيك أبو هارون ولو مابدكم عزيمه مين مابيحضر بيحضر واجبه
تعوا وجيبوا هالباروده لنروح نصيد بس بدون العقيدي والشالنجر لأني زعلان كتير منهن :taneeb:

نمر بن عدوان كتب:

أهلا وسهلا فيك أبو هارون ولو مابدكم عزيمه مين مابيحضر بيحضر واجبه
تعوا وجيبوا هالباروده لنروح نصيد بس بدون العقيدي والشالنجر لأني زعلان كتير منهن :taneeb:

تسلم يا رب

عالصيفية

بس بدون تشالنجر و العقيدي مارح تحلة الروحة

مشكور والله شي حلو والأيام أحلى

شكر خاص للسيد نمر والله هالموضوع حلو الله يخليك الوالد ويطول عمرو على هالقصص اللي حاكيلك اياه

راح تعلق اذا دخلنا بالارانب والعصافير

ابو يحيى كتب:

راح تعلق اذا دخلنا بالارانب والعصافير