اغاني واهازيج الاعراس بالفرقلس

السادة اعضاء ومرتادي المنتدى الكرام

السلام عليكم ورحمة الله وبركاته

انتشرت بالفرقلس اغاني واهازيج تتررد على مسامعنا بالاعراس ان كانت عند العريس او العروس

واحببت في هذا القسم ان نجمع اكبر كمية من هذه الاغاني

فالرجاء ممن يحفظ او عنده اشرطة قديمة او حديثة حول ذلك ان يتفضل بتزويد الموقع بها لتعم الفائدة على الجميع

وشكرا سلفا

انا عندي اغنية قديمة و هي

عامفرفق جاسم عالصاناميني ...حاجي تهلي دامع يا عيني

هذا حبيبي كان مسليني .........من يوم مفارق سودا لعيونا

بي مجموعة كما يسموها هناهين نذكر منها

ها... زرعنا خيار خيار ...وطليع شبار شبار
صرلنا سبع سنين .....نستنى هالنهــــار

لولولولولولوليــــــــــــــــــــــش

ها....يا صحن تين..... ومكلل بالياسمين
عروستنا زغيرة.....وما طبقت العشرين

لولولولولو ليـــــــــــــــــش

ها ....وش هالنهار اللاييق ...تعجبتلو الخلاييق
طقت قلوب الاعادي .....يوم انحقت الحقاييق

لولولولولو ليـــــــــــــــــش

ميلي على ميالك....وحياه روس اخوالك

يا حنطة بلدية .... ابــــــو محمد كيالك

لولولولولو ليـــــــــــــــــش

الكود:: و ما نام الليلية الا الصارندح يردح
و ما نام الليلية إلا بو محمد يذبح

بومحمد : اسم أبو العريس

يا سيف هزهز القاع
كلو سلاسل ورباع
كل المشايخ طاعت
الا ابو حسن ما طاع

هذه الاهزوجة تقال عند عادة حلاقة العريس

يا حليق حليقلو و لا تجور عليه

هذا العاريس غالي و عين الله عليه

عليه تلفظ : علاه
مخشب

موضوع: تكملة ياحلاق 7/28/2008, 03:13

كانت انشودة ياحلاق ناقصة من بعض الابيات
ياحلاق حليقلو ولاتجور علبه
هذا العريس غالي وعبن الله عليه
جبتلوالمزوية بالف وخمسمية ولبس ياعينية ولتفرج عليه
وجبتلو البيتون بمهما كان يكون ولبس يا مزيون ولتفرج عليه

بدور الفلا بدور على ام الشيال و ناطور نسيتونا يا حلوى بنوب و عدنا ببالك نخطور
ما عدنا ببالك جينا و أحنا بيك ترجينا على عيونك فرجينا دق الأزرق فيه سطور
دق الأزرق فيه شكال أخذت عقلي و الرسمال و الجاهل عقلاتو قلال عالدبكة بضل يدور
عالدبكة بضل مسرسب و انا بهاواها معذب جنس الأنى ما بينحب و بنكرمل العصفور

aboali_bakour كتب:

كانت انشودة ياحلاق ناقصة من بعض الابيات
ياحلاق حليقلو ولاتجور علبه
هذا العريس غالي وعبن الله عليه
جبتلوالمزوية بالف وخمسمية ولبس ياعينية ولتفرج عليه
وجبتلو البيتون بمهما كان يكون ولبس يا مزيون ولتفرج عليه

زيد عندك

جبتلو العقال بألف و ميت ريال و لبس يا غازال لتفرج عليه
جبتلو الزبون (الجلابية) مهما كان يكون و لبس يا مزيون لتفرج عليه

الزبون : هي الجلابية

ابو عمر كتب:: انا عندي اغنية قديمة و هي
عامفرفق جاسم عالصاناميني ...حاجي تهلي دامع يا عيني

هذا حبيبي كان مسليني .........من يوم مفارق سودا لعيونا

كمل عندك

سألتا اسمك قالت بديعة

و بريق الفضة تسقي الزريعة

شو هالحكومة و شو هالشريعة
و البنت بتهجم علشب هجوما

===
سألتا اسمك قالتي سوسو
قلتلها المبسم ..قالتلي بوسو

قلتلا بييك ...قالتلي دودسو
قلتلها امك ...قالت حانونا

====

في نوع من الاغاني كانو النور يقولوها
بس رغم ذلك كانو اجدادنا يرددوها بكل طرب
لكن معانيها جداً جداً جداً غير اخلاقية

لكن سأذكرها للضرورة التاريخية

حتى يستفيد منها الدارسون لتاريخ منطقتنا

=====

خود الدبلة و طلقني و من عذابك ريحيني
تعا خودا يلا خودا قدام القاضي و شهودا

حجي ما باخد حجي ..بيعيرني بصلاتو
بدي واحد ساكرجي ..و البطحة في جيباتو

تعا خودا يلا خودا قدام القاضي و شهودا

======

لاحظو كيف تدعو الى الطلاق و الفسق و المجون

رجاءاً محدا ينتقدني
لانو ما انا اللي ألفتها
هاي موجودة بتاريخنا
يعني كذب التاريخ ؟؟؟؟

ولو يا أبو هارون

انت ما عليك ذنب ابدا
لكن كلامك صحيح وما أكثر الأغاني التي تردد في كثير من المناسبات لو يعلم قائلها لتمنى أنه ولد أخرس وما قالها لأن عليه اثمه وإثم من يقولها من بعده إلى يوم الدين
وأعني بها تلك الأغاني الهابطة التي لا تراعي حرمة لأي مقدس
وكم كنا نسمع واستغفر الله من نقلي
لطلع لألله بدرج وعاتبو مرة
انا لما شفت عا...صليبا صحت أمنت عيسى انصلاب
وعلى جهنم وراكي
ومثل هذه التفاهات كثير
وللأسف كثير يرددونها بطرب ونشوة كما قلت
وشو الخبر ؟؟؟؟ مطروبين

جزاكو الله خير

بيني وبينكو كنا نزقف للنوريه ومانا مفكرين بكلامها

وقد ذكرني هذا بما كانت تحكيه جدتي قديما وكانو يجلبون ندابات بالاجر(العزاء) وكانت احد الندابات تقول

دوالي يا بعد عيني دوالي.........مات فلان عقبال التوالي

اه ياشي مقشي ناعمي .............ماتخلي لهم توالي

وتنهمر النساء بالبكاء والصياح دون معرفة مايقال

*فلان : هو اسم الميت

في لسع اغاني بتنقال بالنسبة للاعراس بس يعني طويلة مثل اغنية عالالا واغنية يوم نحني العريس يا نونو يا نونو مد ايده ليحانونو و في اغاني بتنقال اثناء الدبكات وفي كمان اربط حصانك بالقاصر يا شاطر وفي اغنية يلا اجتمعه يا حضار لانعلمكم باللي صار وفي كمان يا مدقديقة الذرعاني هذول كلها اغاني بس يعني طوال لذلك ما كتبتهن ومشكوريين على هل موضوع وفي كمان يا قالب صلني بافنوني على احبباب الي جافوني في اغنية كمان عالداراج مديدو يا عقد اللولو ومباراك ياريتو عرسك يا العريس ومباراك يا ريتو هذول عناوين اغاني شعبية تقال اثناء الاعراس وبصراة انا مسجلهن على الموبايل اذا غدرت انزلهن على شي سيدي راح انزلهن وابعثهن سلام

بس حبيت أرد عاى السيد بسام السليم الاغنية موهيك
الاغنية بتقول
ياراوي شوفك مقهور
من ام الشيال وناطور
سليتينا ياحلوة منوب وماعدنا بالك نخطر
ماعدنا بالك جينا
واحنا بيك اترجينا
وعلى صدرك فرجينا
دق الأزرق بيه شطور
دق الأزرق بيه اشكال اخذت عقلي والرسمال
والجاهل عقلاتو قلال عالدبكي بيضل يدور
عالدبكي يضل مسرسب وانا بهواها معذب
جنس الأنثى مابينحب بينكد مثل العصفور
تنكد وترد تحاكيك
واصحى بالهوى ترميك
عشرتهن صاهرت تشريك
من المية واحد مقفور
من المية تلاقي وحدة
اللخرى عشرتها نكدة
ياجاهل لاتنردي
بهواهن لاتروح غرور
بهواهن لاتروح زعلان
لاتأمن جنس النسوان
بتحاكيك بطيب لسان
وعينا لاغيرك تنضر
وعينا لاغيرك ترعى
ويا سيدي ماهي طمعة
محبوبي عامل صنعة
مدهن خدو بلب عطور
مدهن خدو بلب لاالجوز
وهذا من الله مابيجوز
وحدتهن حتى العجوز
صارت تبين ست بدور
صارت تبين كالقمرة
لو كانت سودة سمرا
الله يخلف عالحمرا
اللي خلت الطابق مستور
اللي خلت طابقهن ماشي
وبطولها مابتخبي شي
والسمرة تصلح باشي
ومرباها بي أعلى قصور
السمرة تقول اني الفي
وكل الناس بترغب لي
والبيضة شنينة بمي
يصبح تاجرها مكسور
البيضة تقول اني رضيت
واللي بياخذني بخيت
والسمرة قشر الكبريت
زتوها من قفا الدور

ويوجد أغنية ايضا عندما يجلس العريس ليحنوه الشباب
والأغنية تقول
يانونو يانونو
مد ايدو ليحنولو
نونو ياطويل العمر
العريس ياطويل العنر
قمبازو لعند الاجر
وحصانو يقودونو

وأيضا
عبيروت يايمة
نجيب قماش للحنة
نجيب قماش للعريس
لايلبس ويتهنى

وايضا
اربوط حصانك بالقصر ياشاطر
ياربي تجبر بعد كسر الحاطر
وهالفرحة للعريس يتهنا
فرحة اللوخر للشباب بناطر

ايضا
ابو العريس دستورك
وافتحلنا منزولك
منزولك منزول شيوخ
وواجب علينا نزورك

ايضا
نحنا الهدينا المخفر
ونحنا البانينا ساسو
ونحنا ربعك يالعريس
وحرجي عاليرفع راسو

ايضا
بارود كثير عندنا
من قوس مابيهمنا
وان سلمونا للدرك
ابو العريس يفكنا

ايضا
ياعاريس وايلك جوز عمامي
وايلك منزول مقبل عالشيمالي
وايلك اب ياربي تديمو
سخي الكف
ذباح الحيالي

ايضا
البنا البنا عالبنا
عريس وريتو يتهنا
جبنا البنا للعريس
وعقبال الفرح عنا

وهناك بعض الكلمات منهذه الاغنية
يانسر ياشايب الراس
يابو جعود الطوالي
لا ساألت عن أهلك منين
ترك ولا موالي

ياشب ياأسمر اللون
مالك على الجوع قوة
لا تلاقت الخيل بالخيل
دزو للعريس راعي المروة

ياريت امك جابت اثنين
يوم الحبل والولادي
واحد لشيل الدرع والسيف
وواحد لكيد الاعادي
الغنية طويلة بس للاسف ماني حافضها

يا مدقق الذرعاني كاس المرا اسقاني
شوشحتيلو ما ردلي قوطر ولا لباني
قوطر ولا عطاني خبر صدى عجيبة وما عتذر
صبرت قلبي ما صبر عقلي طفر وجناني
عقلي طفر يا صويحبي وتقول شلفا صحيبي
خدا البنية لا حبي مشعل على السلطاني
مشعل علينا ومحترف وين العرف ياهل العرف
مدقوق على صديرة الترف كتبة ورق سرياني
كتبت ورق بقلاما يلبقلها خدامة
ولما ضحك قداما قلت الملك قفطاني
قلت الملك يا ابن الملك اضيت نجوم الي بالفلك
يا شويقي بدي اسالك مسلم ولا نصراني
مسلم ولا من الرومي يا بو حجل مبرومي
طير السعادة يحومي يرفرف على الحيطاني

السلام عليكم ارجو ان تعجبكم مشاركتي ؟عند زفة العريس والمعروفه في مناطق البدو ؟............................حران شهر من قصر ورداني ؟حران شهر من قصر ورداني ؟لاتاخذين العفن ربعاله ؟خذي عريف الجد والخالي؟؟حران شهر من قصر ورداني ؟؟.........؟؟ اخوكم فرحان الخالد؟؟