حياتنا قبل (الدش …

-أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده-قدس الله سرو


-الايدي الماهرة: و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!


مع العمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
-

نحن الطلبة:كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هاي شغلات ثانوية...وعلى مهرجانات خطابية!!انا بفضل يتسمى مع الدبيكة و رقيصة العربي!
-

أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع: برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"يخزي العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!".... يا ربي دخيلك!!بدو طابة زرقا ما خرزة!!

يعني هلق بعد ما صار في دش صار الوضع احسن ... ولا لانه صار في مسلسلات تركية و مكسيكية .... حسبنا الله و نعيم الوكيل

لسى بس حكيلنا عن لقاء المذيعة بالعيد مع الاطفال


حلو العيد حبيبي ؟
سؤال تافه
لا ما حلو شو رائيك يعني

سواح كتب:

لسى بس حكيلنا عن لقاء المذيعة بالعيد مع الاطفال


حلو العيد حبيبي ؟
سؤال تافه
لا ما حلو شو رائيك يعني

وربي حلوة هل مذيعة
يالله ما تفهها

بسم الله الرحمن الرحيم

أكثر ما يغيظني في التلفزيون السوري المذيعات المدعومات اللي وصلن لسن التقاعد وسون مئة عمليةتجميل... شد.. ورخي.. ونفخ... وفش... ولسعتهن مثل اللزقة الافرنجية

وبيعجبك ثقل دمهن وادعاء الفهم في المقابلات ..بيفهمن بالسياسة والطب والخياطة والتطريز والمسلسلات

والحقيقة انهن ما بيفهمن الا بكيفية استرضاء المسؤولين والداعمين .....والمشاهدين ستين عمرهن

د:جهاد

الله يسامحك ابو هارون على هل مقالة الاكثر من رائعة

والله رجعتنا لورا كثير

وكلو كوم و برنامج بكرا بنتواجه كوم ثاني

طبعا اخر شي بالتلفزيون وبعدها بتخلص القصة

ويلي عندو راديو يشغلو او ينام طب احسنلو