خيو رح اسردلك مشاهداتي بالموقع

عبد الملك و طارق بن زياد : التوئمان وين ما رحت بتلاقيهن
مع بعض ردودهم سريعة و علطاير و عم يثبتو وجودهم بالمنتدى كنو الانترنت عندهم مجانا



مشعل قطر : ردوده برجوزاية و مع زخارف للاحرف

ابو قاسم : ردود باللغة الفصحى مع عدم وجود أخطاء املائية

تشالنجر : ردود قاسية راكزة بمكانها مع شدة شوي بالموضوع

ابو جراح : نفس تشالنجر و المشكلة التنين ما حدا بيعرفهن

سعد و هاني ملك الكونترا : اكتر تنين بنبسط بتعليقه بايعينها بقشرة بصلة بلهجة فرقسلية
بحتة

قسم المساعدة : ديمقراطي كتير مع الشباب تاركلهن حرية
الحذف و التعديل و نحنا آكلينها
كل يوم و التاني قام فلا بتعديل الموضوع
و هات عاد نحنا ردينا قبل ما يعدل مو بعد ما عدل
و اخر سمعة شايل الايبيات من المشرفين ..خرجهن حاجتهن
عاملين فيها فرع تحقيق








ابو محمد : لما بشوفه بعرف انو في
كمية غزيرة من الردود رح تجي علمنتدى


و كمية اكبر من المواضيع


و هو لحد الان اكتر واحد بالمنتدى
كتب



ابو هارون : جندي مجهول ما عرفتله قرار ردوده عادية مع
شوية فكاهة









عمر : هذا بس تشوفه فات علمنتدى
بسرعة بتجهز النعوة ..و بتقول الله يرحمه


شوفو مواضيعه كلها نعوات مع احترامنا
الشديد لاله هو صاحب مركز الخليج اللي علم الناس علكمبيوتر





ابن الفرقلس: متزن بردوده بارد
الاعصاب بس بيضل متصل بلانترنت





ابن الحارة: كان اسمه ابن البلد بس
ابن البلد الانكليزي قله عطيني اسمك و طبعا العربي ما بيخجل حدي راح عطاه اسمه و
فتنا بالحيط





ابن البلد الانكليزي : هدا خبير
منتديات ببصمله بالعشرة .بيقدر يطلعلك ايا واحد بيناتنا متخفي باسم ثاني بس بطريقته .











باسم : غير معروف , غريب , يحب
التميز



سواح : اللي هوي انا ...متابع المنتدى من طقطق للسلام
عليكم ..بس من بعيد لبعيد



بالنسبة للبنات ما بتابع ردودهم و لا حتى بحاول قرب منهم
لاني بعرف بعد يومين الشباب رح يطفشوهن او بيكونو
شباب عم يلعبو




هدول اكتر اعضاء حركين بالمنتدى

باقي الاعضاء اللي حابب احكي عنه
يقلي اهلا و سهلا


بس لا تواخذونا طولنا عليكم و امانة ترى كلشي حكيته اخوية محلية بدون زعل

:بسم الله

يا اخي طولو بالكم
اشو صار ما عتقدت كلمة برجوازية رح تعمل مشكلة

انا اقصد ببرجوازي يعني من الطبقة النبيلة

و الله اعلم شقد بكن للجميع الاحترام و بالاخص السيد مشعل

و بعتذر اذا اخطأت بالتعبير

بس فلان برجوازي يعني أكابر كثير و من الطبقة النبيلة

على راسي جميع الشباب
اشكر جميع الاعضاء على مرورهم الرائع
وشكر خاص للاخ ابو هارون مشكور على صراحتك يا حبيب