تذكير بمساهمة فاتح الموضوع :

بسم الله الرحمن الرحيم
ربما الجميع يعلم بان شوارع الفرقلس اقرب ما تكون لحاوية كبيرة
و بغض النضر عن المسؤول رح اكتب الاسباب
1- عامل النظامة بمر بالشارع كل فترى و بشيل القمامة الي بتعجبوا بس كلمة كل فترى يعني بجوز كل شهر - كل اسبوع - كل يوم لا احد يعلم
2- القمامة التي تبقى ليلة واحدة بالشاع اعتبرها صارت خارج الكيس و خارج البرميل و ها نتيجة الكلاب الشارده المتواجدة بكثرة هذه الايام بالبلد
3- تركتور الزبالة يا مين شايفوا عطلان و عامل النظافة اليوم برد و اليوم ما جاي على بالي اشيل و غيروا
4- يوم الجمعة حكي الشيخ و قال يوم نظافة و كل واحد يقش قدام باب داروا و شي اتقيد بهل الموضوع و شي لاء
5-اقترحوا ايجيبوا بارودة لضابط اللبلدية من شان يصيدوا الكلاب و لهلق ما اجت الباروده ؟؟؟؟
6- بعد غلاء المازوت قال مخصصات البلدية لا تكفي لتسيير تركتورين بالبلد
7-مكب نفايات لهلق بيحتاروا وين بدوا يكبوا الزبالة مع انوا زيدل بتكب قريب من الفرقلس و كانوا ناويين يكبوا بمنطقة قريبة من ظهرة السيد لكن كان هنالك معارضين و الحمد لله انوا كان في معارضين لان ظهرة السيد تعتبر قريبة من البلد و اذا شفنا الكلاب الشارده حاليا فبلمستقبل الله و اعلم شو بدنا انشوف
8- براميل ان وجدت اليوم فبكرى الصبح رح تلاقيها رايحة
هي بعض النقاط الي حبيت احكي عنها
و هناك كثير امور لم اكتب عنها بعد
ما الحل
انا رح اعطيكم بعض الحلول المتردده على لسان اهل البلد
1 - يمر تركتور الزبالة باليلل يعني شي الساعة 10-11 و هيك منكون قضينا على موضوع انوا الكلاب ما عاد تنبش الزبالة
2- تكاليف النظافة اذا منحسبها تكلفة شهرية قرابة 50000 بدون التركتور و اعطالوا و المازوت لو انا دفعنا شوي زيادة و عطينا عمليات التنظيف لمتعهد كما هو موجود بحمص و شرطي البلدية موجود اذا بلاقي تقصير بيخالفوا هل هاذا مستحيل
3- بالنسبة للمكب الصايد - تل الناقة - زيدل على هوى ما سمعت -- بتكب بعيد عن الملاحة حوالي 1 كم مشتريين شقنة ارض و بيكبوا هنيك ليش ما منسوي مثلهم ؟؟؟؟
4- لو عملنا براميل زبالة بس يكون على ستندر موحد لكل البلد و الوا غطاء و مارح اقول للبلدية يا اخي الاهالي بتشتري بسعر يكون مقبول و توزع كل بيتين ثلاث ببرميل و يمر تركتور الزبالة بالليل يشيلوا هل هذا ضرب من الخيال ؟؟؟؟؟
هلق بتقوا نعم ولا و بتصير مباطحة بالمنتدى على المسؤول على الموضوع بس انا بقلكم شغله
ربما الجميع يعرفني
و انا كتبت الموضوع باسمي الصريح لعدة اسباب
اولا اريد الحل و ليس الشتم
ثانيا ساحاول ان اجتمع مع رئيس البلدية و اعطيه الحلول الموجوده دون كر اسماء
و سأحاول ان اكتب قائمةبالحلول التي سنجمعها بهذا المنتدى و اجمع اكبر عدد ممكن من تواقيع اهل اللبلد ان لم اجد استجابة من اللبلدية و نقدمها للبلدية بشكل رسمي
و كما قال المثل الزق هل العجينة بهل الحيط ان ما لزقت بتعلم
و هناك اشخاص كثيرة بالبلد سيساعدونا بهذا الموضوع
و ارجوا من ادارة هذا المنتدى كا التالي
جمع المقترحات و ان يعملوا تصويت
ان يتم الاعلان و متابعة ها الموضوع لانه اصبح من الضروريات
و ارجوا من جميع المشاركين بهذا المنتدى عدم التجريح باي شخص رما تكون هنالك اعذار له
و السلام عليكم