رسالة قديمة

أتقبل المزاح : نقاط : 18656 7

جبتلكو رسالة نادرة وقديمة كثير
هي من زوجة وباعثتها لزوجها بالكويت ايام زمان



بسم الله الرحمن الرحيم تحيه عربيه واشواق قلبيه تجي وتروح الى عزيز الروح حضره وجناب الزوج العزيز اما بعد سلام سليم ارق من النسيم وروح وريحان وجنات االنعيم وحائق الياسمين من سماء ===== الى سماء بلدكم المقيم اذا وصلتكم رسالتى في الصباح فصباح الخير واذا وصلت في المساء فمساء الخير مع تقبيل وجنتيك الكريمتين .اذا سئلت عن الجميع بخير وصحه جيده ويسلمون عليك وعلى جميع من عندكم ويحضر عندكم ان سئلت عن الاهل فهم بخير ابوك ومك بخير وبصحة جيدة يسلمون عليك وهم مشتاقون لك وان سئالت عن اخوتك فهم بخير جميعا ويهدوك السلام بالنسبه لولدنا ======== نجح بالسرتفيك والصغير ===== حطيناه السنه زرابه وصار يلطش بعض الاحرف ويعد للعشره ويقرا قل هو الله احد. ام البنت==== فصارت تزحف وتناغي وتقول بابا . ان سألت عن الارظاييت قلنا لابو ==== وبذرهن وفلحهن بتركتورته وانشالله بيصيرن وبدنا نحصدهن وعميقولوا هاي السنة خير لانو جينا مطر كثير وجينا سيل بالسعن وان سالت عن العنزي الحمره جابت توم جدي وصخلي والغنمه العبسه جابت كركورا وبعنا الغنمة الرخمة لانها ماعشرت والباقي لسى وطينا حيطان الشارع والبيت اللي عمنقعد بيو وبيت ==== اخظو الغربال وظيعوه وقالولنا رجعنالكوياه وجارنا ابو فلان جوز ابنه ==== وسوا حفله وجيبوا زمار وطبال والدبكه والعتابه والرصاص لبو موزي تمنيناك معنا وبيت ابو ==== طهر اولادهم وكمان سو حفله غير شكل و ابو ==== راح عالحج هوي ومرته على الحج السنه وجارنا الختيار الحاج === اعطاك عمره والحجه ام ===كمان اعطتك عمرها الله يرحمهم واخذنا لهم صدر اكل وقفه برغل وكروز تنباك ومرت==== مريظة بالفراش رحنا عليها واخذنا صفط نوكا وكيلين برتقان هاي كل الاخبار عنا ملاحضه ؛سلام خاص الى اولاد عمك كل حي باسمه وسلام خاص الى ربيعك === ملاحضه2؛ ابعث لنا خرجيه جاين على الشتويه وانت بتعرف كل شى وليش ماعمتبعثلنا مكاتيب وايمت بدك تجي ملاحضه3: حضر من عندنا الاهل والاقارب والاولاد وجميع اهل البلد يسلمون عليكم وسلام الى كل من يقول مالى سلام بعثنالك مع حامل الرسالة شوية برغل وقطرميز مكدوس وكروز دخان الداعية لكم بطول العمر كاتبة الاحرف زوجتك ========== الجواب فورا ملاحظة4: الرسالة منقولة من احد المنتديات المجاورة بس اني عملت شوية تعديل اتمنى تنال اعجابكم

موضوع: رد: رسالة قديمة 7/4/2008, 01:25

الله عطيك العافي ابو الوليد على هل رساله النادرة فعلا بزمنة الحاضر
الله يرحم ايام الرسائل
وين اول وين هلق
نت جوال هواتف......
كان الي يجي من الكويت كل الناس تروح لعندوا من شان الرسائل
طبعا الكويت كان اكبر عدد مغتربين بيها هلق ما بعرف
كان يجي الواحد حامل معو صطرة رسائل

اهم شي قطرميز المكدوس
هههههههههه
الله يعطيك العافي مرة اخرررررر

موضوع: رد: رسالة قديمة 7/6/2008, 19:35

رسالة جميلة جداً
و هي تتشابه في نمطها معظم الرسائل التي كانت ترسل قديمن

شكرن

موضوع: رد: رسالة قديمة 7/11/2008, 14:02

تحيه عربيه واشواق قلبيه تجي وتروح
*
*
هذا الجملة كانت تتفتح بها اغلبية الرسائل

شكرا ابو وليد على الرسالة

موضوع: رد: رسالة قديمة 7/18/2008, 14:36

شكرا ابو الوليد الله يعطيك العافيه

موضوع: رد: رسالة قديمة 7/24/2008, 18:15

شكرا أبو وليد مهما كانت الرسالي أكيد طالعا من قلبها دون تصنع وهذه الرساله قد يحتفض بها صاحبها لأنها ذكرى عزيزة من أعز شخص
بس للأسف هلأ ماعاد في رسايل متل هيك لأن الأس أم أس صار أسرع ومافيوا منية وشكرا مرة تاني

موضوع: رد: رسالة قديمة 7/25/2008, 00:32

بذكر احد اصدقائي
لحد الان يحتفظ بارشيف الرسائل القديمة
و اشرطة الكاسيت ايام الكاسيت

موضوع: رد: رسالة قديمة 11/10/2008, 15:41

رائعة
و اتوقع انها وصلته و هو باحر الشوق لقرائتها و اعاد قرآئتها عدة مرات

و شكرا للكاتب

موضوع: رد: رسالة قديمة 11/14/2008, 09:32

شكرا جزيلا ابو وليد على الرسالة

وقراتها وكنت اتصور ردود نسوان هالايام عندما تحكي مع زوجها بالتلقون (طبعا المغترب) فبدل ان تسمعه بعض الكلمات الطيبة والرقيقة تبادره بمجموعة اسئلة اليك نموذج منها
بوسة

طبعا قبل ان تسأله عن حالو وعن عملو تبادره

شقد بدك تيعث خرجية هالشهر......

تعال ضب اولادك ...والا والله.... لاتركهن واروح على دار اهلي.

لا تنسى تكثر الخرجية.... عنا موسم المدكدوس ودبس البندورة والشقيق .....والمدرسة

بدنا نعبي مازوت.... ويتعرف شقد صار حق البرميل

حنفية بيت المي (دورة المياه)عما تشر........... بدها تصليح

جارنا ابو فلان............ حط زبالتو فوق زبالتنا

تدينا .........لف ورقة من ربيعك فلان ............وياللي جاي لعندك هاليومين .............ابقى اعطي اياهن

...................
...............
.............

توت....... فصل الخط

والله يستر................ انو صاحبنا مالزق التلفون بالحيط
لالالا

اكيد سببو

الداعية لكم بطول السفر
زوجتك
بنت

طبعا هذا لكلام لا ينطبق على كل نسوان الفرقلس

موضوع: رد: رسالة قديمة 11/27/2008, 08:40

شكرا ابو وليد شكرا ابن الحارة و شكرا لكل المشاركين والمشاركات

بس بدي اقول مو كل النسوان نسوان ومو كل النسوان هيك

اللهم اجعل زوجاتنا ممن تحفظنا في حلنا وترحالنا

موضوع: رد: رسالة قديمة 12/25/2008, 12:04

مشكورين

موضوع: رد: رسالة قديمة 3/21/2010, 22:58

ههههههههههههههههههههههههههههههههههههههههههههههههههه وين اول وين الحين الحين صار في جوالات والجولات فيها انترنت وفاتحين 24/24 مع بعضهم يالطيف علا هالايام

موضوع: رد: رسالة قديمة 12/21/2010, 16:00

الله الله على ايام زمان والرسائل (المكاتيب )

هلق صار التلفونات والمسجات

وصار كل مريي من نسوان المغتربين عندها بدل التلفون تلفونين

واكثرهن بيتفاخرن بنوعيتو وعلى الله المعرفة بي

واتوقع ان بريد الفرقلس مابيوصل لو رسالتين (مكتوبين ) بالسنة

ولا انا غلطان

رسالة قديمة

رسالة قديمة

مواضيع مماثلة

مواضيع مماثلة