| | شخصيات من عائلات سورية ... منقول |    |
|
| كاتب الموضوع | رسالة |
|---|
أبوهارون
العمر : 37
 أتقبل المزاح :
التوقيع : استعن بالله و لا تعجز
نقاط : 15442
 13
 |  موضوع: شخصيات من عائلات سورية ... منقول  3/6/2010, 20:41 | |
| في كل
عيلة شخصيات تترك طابع معين تضفي على الجلسات ألوان معينة
....شوفوها
:
الشخص
الخفيف الدم اللي بيسلي القعدة
و عادة بيكون لسانه زفر شوي و
مسموح له يحكي شو ما بده
طول ما هو عم بيضحك بالبشر
و هو اللي
خالد لما يخطب لميا بيحكيلها عنه
لو تشوفي ابن عمي زياد نهفة
بموتك ضحك
و بيجي زياد
عالقعدة نافخ ريشه لانه عرفان شو بينحكى وراه
و شو ما حكي زياد الكل
بيضحك
حتى لو قال
صباح الخير
نمامة
العيلة
و هاي عادة
بتكون زوجة احد الاعمام او اولاد الاعمام
ما بعرف ليش ما تسالوني
هاي اللي
عندها الاخبار دايما
و اخبارها لازم تشيل نصها و تصدق نص اللي
شلته مشان توصل للحقيقة
بتبهر و بتفلفل على كيفها و بتضيف من عندها
بيحبوها
النسوان و بيكرهوها و بنفس الوقت بخافوا منها
بتحس هيي بأهميتها لما حدا
يسألها شو الاخبار
و بتفرد حالها و بتبلش تذيع و بالاخر بتقولك بالله
ما تجيبي سيرة اني قلت لك انا شو دخلني ,بتعرفيني :بمشي الحيط الحيط و بقول
يا رب السترة
غني العيلة
كل عيلة فيها واحد بيكون
اغنى من الكل
و بكل عيلة بتكون مرته مركز نظر النساوين شو لبست
ووين راحت و شو عملت
و بتكون نمامة العيلة متل الدنب الها مشان
تجيبلهم الخبر اليقين
بتحكي من طرف مناخيرها
و بتقعد عطرف
الكرسي كانها قرفانة
و اذا بتضيفها شي يا بترفضه يا بتاخده بس ما
بتاكله ع اساس انها شبعانة ببيتها
كلامها و احاديثها لا تتعدى شو
عملت الفلبينية
و كيف تقاتلت مع السيرلنكية
و اديش
الشوفير منشف دمها
يعني كمان شوي بتحزن عليها
كبير العيلة
و هذا اللي
بدك تسد بوزك و تسمعه و هو بيعيد القصة مرة ورا مرة ورا مرة ورا مرة
بيحكيلك قصص
ايام الحصيدة و الثلجة الكبيرة
و لما كان بالجيش
نص قصصة كذب
بكذب او مبالغ فيها
((بقولو ما اكذب من شاب تغرب الا
ختيار ماتت اجياله))
كان رح يشتري
نص البلد
وفندق ومطعم
إنعرض علية بالف ليرة
لما كان كيلو اللحمة بعشرين قرش
ووو وخليها لربك
دكتور
العيلة
و هذا
المسكين اللي ما بيتهنى بقعدة
بس يوصل لمحل بيلتموا عليه و يا امي خواصري
عم يوجعوني
و شوف يابا
مبارح و انا لما ....(و بيصير يوشوشو)
و اللي
بتنادي ابنها تعال ورجي الدكتور حلقك
هاتي معلقة يا غدير خليه يشوف
زلاعيم اخوكي
و اللي بيعرض عليه روشتات دكاترة تانية
و اللي بيجيب
له صور اشعة
و االلي بقولوا شوفلي ضغطي)طبعا كل القاعدين بفحصوا
ضغطهم بعده)
و كل حياته بتكون هيك بغض
النظر ان كانت زيارة او عرس او حفلة
طبعا هو ما بيقصر
و ممكن يصير
يقولك مين الحمار الي اعطاك هذا الدوا ارميه و بيكتبلك غيره
متغرب
العيلة
كل عيلة
فيها على الاقل واحد بالخليج
بيجي بالصيف و الكل بيكون يستنى الهدايا
لما يوصل
بيلاقي الكل متجمع و الكل بيسلم عليه
و بتكون امه عامليتله ورق عنب و
كوسا
و شباب
العيلة بينلموا و اشتقنالك يا ابو الزوز
و شوفلنا شغل معاك و الله اخوك
ما لاقي ياكل
كانه المسكين صاحب شركة هنيك
طبعا الخرط
بيشتغل من طرفه
و بيحكيلك عن سيارته البورش و بيته الفيلا و بيكون
عايش مع تلاته بغرفة
بعد يومين بتلاقيه قاعد عالبلكونة بالشيال
لحاله بيشرب
شاي
ولا حدا
سائل فيه
و امه
بالمطبخ عم تعمل مجدرة
عزابي العيلة
او الدون
جوان النسونجي
بيكون حليوة نسبيا طبعا
و بس يزور حدا من القرايب
عندهم بنات بينضبوا
و بيصيروا يبصبصوا عليه من بعيد و بتشتغل
المسجات
هدا بيكون
عنده شوية غرور على شوية عجرفة
بيقعد و بيحط اجر على اجر و عادة
بيصير عمره فوق الاربعين و ما بيتجوز
وبكل قعدة بيحكي عن غرامياته و
بيتجمعوا حواليه شباب العيلة
و بيصير يفرجيهم صور و مسجات
شقفة العيلة
احلى بنت بالعيلة
بتكون محط انظار اولاد العم و الخال بس هيه نظرها
بعيد شوي
بتمشي يا
ارض اشتدي ما عليكي قدي
و بتقعد مع نساوين العيلة حتى يصيروا يمدحوا
جمالها
كمان متل
دون جوان العيلة ما بعجبها العجب و بتطوّل لتتجوز
اذا تجوزت
اصلا
ما بتكون
صحبة مع بنات العيلة و بتلاقيها دايما في الاعراس بتتلقط عريس من بعيد
من مبدأ نفسي
فيه و تفو عليه
كمبيوترجي العيلة
هذا طبعا بعد
طفرة الكمبيوتر صار له اهمية كبيرة
بالاول كان الفاشل التافه اللي
ما بيعرف شي
وضعه متل
دكتور العيلة
و بتقول امه بكل خيلاء
بس يجي علاء بيزبطلك
الكومبيوتر
و الله ما
في اشطر منه
مبارح خلانا
نشوف عمرو دياب
و بيجي علاء المسكين
شوف كمبيوتر ابن خالتك
اللعبة ما عم تشتغل
و بيجي حمودة و بيقعد يتفرج على علاء
مثله الاعلى
بالحياة و هو بيشغّل الكومبيوتر
و ينبهر حموده
و بيفهمه
علاء انه مشان تقدر تلعب اللعبة لازم بالاول تشغّل الكومبيوتر
طفل العيلة
الموهوب
هذا اللي
بكل لمة بنادوه يغني
تعال عبود غني لعمو اغنية اليسا لو تشوفو
كيف بغنيها
و طبعا في
نوعين من عبود في عبود اللي مابيستحي
و بتلاقي قرفك و هو بيعيد
الاغنية
و امه
فرحانه فية و كل شوي بتقول ما شاء الله
كأنه ما حدا خلّف غيرها
او النوع
اللي بتطلع روحك و امه بتقنعه يغني
و ياللا فرجي عمو اديش انت شاطر
و بتصير انت
بدك تخلص
بتقوله غني
حبيبي بعطيك شوكولاتة
و بيكون بجيبتك شوكولاتة مفعسة من عرس قديم
بتفرجيه
اياها كنوع من الاغراء
و في حالة كان دكتور العيله قاعد بيجي
التهديد المباشر
اذا ما بتغني الدكتور بيضربك ابرة
الموضوع منقول من رسالة من يحيى
|
|
 | |
مشعل
العمر : 35
أتقبل المزاح :
التوقيع : اعُلًمَيٌ ياًسَيُدَتُيٌ لَوٌ كَاُنَ اُنَفٌكَ فُوَقُ اَلُنٌجَوُم فُأعًلمَيٌ اُنَ اٌلُنَجُوَمٌ تُحٌتَ قُدَمُيٌ
نقاط : 14808
-13
| | موضوع: رد: شخصيات من عائلات سورية ... منقول 3/7/2010, 01:03 | |
| والله بعد قرائة الموضوع الواحد معاد يعرف شو بده يرد جبتها من كل الابواب
مشكور ع الطرح المميز |
|
| | |
syria_nn
العمر : 28
أتقبل المزاح :
التوقيع : (( خص الرفيق اللي اذا جيت حياك وان غبت عنه ياصلك بالمودة))
نقاط : 15439
7
| | موضوع: رد: شخصيات من عائلات سورية ... منقول 3/7/2010, 01:07 | |
| ابو هااارون عبرت عن واقعنا الحاضر كل شي قلته صحيح اشكرك على الطرح المميز |
|
| | |
هاني ملك الكاونتر
العمر : 32
أتقبل المزاح :
نقاط : 14400
6
| |
| | |
ابن الحارة
أتقبل المزاح :
التوقيع : الفركلس : ام الرجال
نقاط : 15286
13
| | موضوع: رد: شخصيات من عائلات سورية ... منقول 3/7/2010, 09:05 | |
| شكرا ابو هارون ما قصرت كلها تنطبق غلى واقعنا بس ليش نسيت ياللي بيشتغلو بخنيس وبالغاز  |
|
| | |
أبوهارون
العمر : 37
أتقبل المزاح :
التوقيع : استعن بالله و لا تعجز
نقاط : 15442
13
| | موضوع: رد: شخصيات من عائلات سورية ... منقول 3/8/2010, 11:48 | |
| - ابن الحارة كتب:
شكرا ابو هارون ما قصرت كلها تنطبق غلى واقعنا بس ليش نسيت ياللي بيشتغلو بخنيس وبالغاز ضيفها من عندك انا الموضوع ناقله من رسالة عجبتني من صديق |
|
| | |
هدى
أتقبل المزاح :
التوقيع : نسأل الله التوفيق
نقاط : 14772
0
| | موضوع: رد: شخصيات من عائلات سورية ... منقول 3/11/2010, 23:22 | |
| رووعه من روائعكـ
الله يعطيكـ الف عــاآآافيه يالغلا
ولا يحرمنا من جديدكـ,, |
|
| | |
احمد الطالب
العمر : 30
أتقبل المزاح :
التوقيع : يا سَائِلي عَنْ مَذْهَبِي وعَقيدَتِي "=" رُزِقَ الهُدى مَنْ لِلْهِدايةِ يَسْأَل
اسمَعْ كَلامَ مُحَقِّقٍ في قَـولـِه
نقاط : 14255
12
| | موضوع: رد: شخصيات من عائلات سورية ... منقول 3/11/2010, 23:26 | |
| مشكور على هذا الموضوع الرئع
بارك الله فيك |
|
| | |
أبوهارون
العمر : 37
أتقبل المزاح :
التوقيع : استعن بالله و لا تعجز
نقاط : 15442
13
| | موضوع: رد: شخصيات من عائلات سورية ... منقول 3/14/2010, 17:15 | |
| شكرا لكاتب الموضوع الاساسي لاني كتر التعليقات حسيت حالي انا اللي كاتبه  مع اني بس نسخته و لصقته و قريته  |
|
| | |
سمسار
العمر : 33
أتقبل المزاح :
التوقيع : من زوار الفرقلـــس
نقاط : 13388
0
| | موضوع: رد: شخصيات من عائلات سورية ... منقول 3/14/2010, 18:19 | |
| شكرا ابو هارون بدايتنبس الموضوع كأنو بيو كتير كلامات ومصطلحات فرقسلية بحتبس ما يكون صاحب المقال الي نقلته عنه؟ فرقسلي الاصل؟ اتأكدلي با الله عليك  |
|
| | |
علي
أتقبل المزاح :
التوقيع : لا حول و لا قوة إلا بالله العلي العظيم
نقاط : 15231
7
| | موضوع: رد: شخصيات من عائلات سورية ... منقول 3/15/2010, 16:32 | |
| |
|
| | |
أبوهارون
العمر : 37
أتقبل المزاح :
التوقيع : استعن بالله و لا تعجز
نقاط : 15442
13
| | موضوع: رد: شخصيات من عائلات سورية ... منقول 3/15/2010, 18:46 | |
| - سمسار كتب:
- شكرا ابو هارون بدايتن
بس الموضوع كأنو بيو كتير كلامات ومصطلحات فرقسلية بحت
بس ما يكون صاحب المقال الي نقلته عنه؟ فرقسلي الاصل؟ اتأكدلي با الله عليك
يا شامي يا حمصي  |
|
| | |
تــــــ البشرـــــــحدوه
العمر : 32
أتقبل المزاح :
التوقيع : غــــــيرك ينـــحرق قلبه ولايقدر يحاكيني,,,,,,
نقاط : 11918
0
| | موضوع: رد: شخصيات من عائلات سورية ... منقول 3/22/2010, 21:01 | |
| هههههههههههههههههههههههههه احلى شي الابرة ههه مشكور علا الموضوع المميز حتى لوكان منقول |
|
| | |
ابو يحيى
العمر : 33
أتقبل المزاح :
التوقيع : دقلهم يا داعور حريقة ياشباب
نقاط : 14977
-7
| | موضوع: رد: شخصيات من عائلات سورية ... منقول 3/22/2010, 23:31 | |
| |
|
| | |
أبوهارون
العمر : 37
أتقبل المزاح :
التوقيع : استعن بالله و لا تعجز
نقاط : 15442
13
| | موضوع: رد: شخصيات من عائلات سورية ... منقول 3/28/2010, 20:30 | |
|  اهلا بالشباب عقولة امهين المنتديات - اقتباس :
- نورتو الموضوع
تقول كان مطفي |
|
| | |
| | شخصيات من عائلات سورية ... منقول | |
|
