السلام عليكم

تغربت عن اهلي فطالت غربتي يا اسفاه على الدنيا ان اموت غريب


نظراً لكثرة هذه الحالة أود أن أرى رأيكم بها
ألا وهي سفر الزوجة مع زوجها ومايتبعها من أزمات
هل أنت مع أم ضد فكرة الغربة؟

هل أنت مع ترك الزوجة لوطنها والغربة عنه؟

مارأيك بإبتعاد هذه الزوجة سنة كاملة عن أهلها ؟

ما رأيك بالزوج الذي يأتي بزوجته للغربة ويتركها خلال النهار ثم يعود متعباً لينام ؟

من يتحمل غربة الزوجة هي التي أتت إلى هنا أم الزوج الذي جعلها تعيش بهذا الوضع؟

ما هى الطرق ونقاط الحل كي تتحمل الزوجة هذا الوضع؟ بما تشغل نفسها؟

ما الحل كي لا تكون هذه الغربه والبعد ..موت لها وهدم وتحطيم لنفسيتها؟

هل الأزمة تزيد بعدم وجود أطفال ؟

هل يوجد بيننا مغتربين أرجوا منه أن يضع لنا شيء من تجربته هل هو متزوج وهل زوجته معه أم في الوطن
إن كانت معه ماهي السلبيات التي يواجهها وكذلك غن كانت في الوطن


أرجوا من الجميع التفاعل نظراً لأهمية الموضوع.....

ااااااااااااااااااااااخ يا اختي بيعين الله هاي حال بعض بنات الفرقلس وسوريا عموما وقال النبي عليه افضل الصلاة والتسليم (المراة على دين زوجها)يعني وين ما راح الزوج بتتبعو مرتو وهيك نصيبنا شو بدنا نساوي
اما انا فمن وجهة نظري انا ضد الغربة بس لازمة لفترة منشان تحسين الوضع المعيشي وكمان بيني وبينك منشان نشوف هالدنيا شوي
اما انو تترك المرة اهلها وضيعتها فهي فترة وبتمر يعني انا وياكي ويلي متلنا ما رح يطول الوضع بالاخير رح نرجع بس متل ما قلت لتحسين الظروف مو اكتر
طيب يا أختي منشان انو الزوج يترك مرتو كل النهار ويجي تعبان هي مو بايدو ويالله عم يقعد يسهر مع مرتو وانتي بتعرفي ضغط الشغل يعني اذا كان الزوج مدرس او مهندس كلو اضرب من بعضو وما منقول غير الله يعينهم ونحنا لازم نكون معهن مو نحنا والدنيا عليهن
أما منشان كيف المراة بدها تسلي حالها فا خوديني مثل يعني مثلا خلي المرة تنام لل11 الصبح وتقوم تنضف وتطبخ وتغسل بيكون زوجها اجا وبعدين بتطلع ع الكورنيش او مع رفقاتها ع شي مول او بلازا وباليل بتقعد ع النت وهيك بيخلص النهار ولازم ما ننسى نقرا شوية كتب مفيدة ونستفيد ونتسلى
اما منشان الولاد هي شغلة طعمة من رب العالمين وصدقيني لازم الوحدة ما تفكر بالخلفة غير لحتى تستقر بلدها والله احسن وبالعكس الوحدة بتشوف حياتها بعدين بتبلش بالولاد وطلباتهن
والله المعين على الموضوع الحلو يلي خليتيني افش خلقي بيه ونشالله انا وكل المغتربات نرجع لوطنا يارررررررررررررب

شاكرة مرورك العطر وردة الشرق
بس بالنسبة للبرنامج يلي حطيتيه أنا كمان بمشي عليه نوم للظهر
بس والله هاي مو حياة بتمي محبوسة بالبيت
وياوردة مو كلها عندها كورنيش للتمشى انت الله منعم عليكي وأنا بيعين الله بالرياض شوب بالصيف وبرد بالشتاء
والله يصبرنا ويفرج عنا

يا بنت الحلال صلي ع النبي والله الرياض حلوة شبها روحي ع برج المملكة ع برج الفيصلية ع المولات ولووووووو ودخيلك فترة وبتمضى والله المعين ويعني ودخيلك كنو الدمام ولا الرياض كلو اضرب من بعضو بس ادعي انو نرجع الفرقلس وبس

اللهم صل وسلم على النبي محمد
(((الله يرد كل غايب لبلده)))



وين المشاركااااااااااااات ؟؟؟!!!

السلام عليكم و رحمة الله
بعد قرائتي للموضوع
المشكلة بالاتصالات على سوريا شوي غالية , بس ازا نزل الواحد برنامج اتصالات كويس و رخيص
بتحكي الزوجة مع عيلتها بأكملها و ما بتحس بالغربة أبداًً
هذا رابط لبرنامج انا شخصياً استخدمه
يمكن تحميله على اجهزة الكمبيوتر و على الجوالات
و تعبئته سهلة عن طريق الفيزا كارت او عن طريق الماستر كارد المتوفرة بالخليج بكثرة

http://www.voipgain.com/en/index.html

ارخص اتصال على سوريا على الاطلاق
و اللي عندو ارخص لا يبخل علينا

يمكن للمرأة التعلم على الانترنت العمل بالمنزل
فهناك الكثير من الأعمال يمكن للمرأة القيام بها على الانترنت
كما انها يمكنها زيارة انحاء العالم من وراء شاشة الكمبيوتر و الانترنت

ملاحظة : نعمة كبيرة أن تكون الزوجة بجانب زوجها , فالغربة عن الأهل اسهل من الغربة عن الزوج

يا اختي توكلو ع الله والله مع الصبرينواكيد الزوج ما رح ينسى هالوقفة يلي وقفتها مرتو معو

السلام اولا على من اتبع الهدى
اما ثانيا الاخوات عم يواسو بعضن كأنهن بحرب او تحت قصف مدفعية بشار

مشكور يا أخي ضرغام بس أنا بتمنى أني كون تحت القصف مع اهلي أحسن ما اقعد هون وعم عموت كل دقيقة لاني انا من 10 ايام ما بعرف شي عن اهلي الهواتف مقطوعة الكهربا مقطوعة يعني انا عايشة بحالة رعب وترقب وخوف وكل هالشي وما بدك نتحسر ع حالنا ومشكور مرة تانية..

لا شكر على واجب الله يطمنك على اهلك ويكونوا سالمين وكل اهالي سوريه وطبعا كمان نحنا اهالينا مامنعرف عنهم شيء منذ انقطاع الاتصالات ولنا اقارب اعزاء جدا في حمص ولانعلم عنهم شيء ولنا جيران ايضا لانعلم عنهم مابهم وكما تعلمين الوضع سيء واكثر جدا من السيء اهد الله بشار واهدم بيته وعزه وفي حمص المياه مسممه في بعض المناطق وشكرا لمرورك