>*كيف تميز المواطن السوري عن باقي شعوب العالم? *
>**
>
>*مواصفات المواطن السوري*
>
>**
>
>*بيفهم في الطب ويشخص المرض ويوصفلك الدوا وبيفهم في النقاش والكهربا وتصليح*
>السيارات والطبخ والسياسة والطابة وهو أبيض ياورد
>
>*بيحط الريموت كونترول في كيس نايلون حتى ما يتغبر *
>
>*يقف يتكلم على الباب نص ساعة بعد إنتهاء الزيارة والسلام *
>
>*في خزانة المطبخ عنده عشرين قطرميز مربى فاضي منشان اذا احتاج يستخدمها
>ومازال*
>مُصِر على جمع المزيد
>
>*ييجي بعد الموعد بساعتين دون ان يعتذر *
>
>*يتكلم بصوت عالي في المكالمة الدولية منشان التاني يسمعه *
>
>بيعتبر حاله أفضل واحد في الشراء والمفاصلة ثم يكتشف إن الشي في المحل اللي*
>*جنبه أرخص من غير مفاصلة
>
>*بيحتفظ بأكياس محلات اللبس والأحذية وورق الهدايا تحت الفرشة لسنوات *
>
>*عنده صينية مكسرات مقسمة لتلات او أربع أقسام منشان المزاج لكن لا يستخدمها *
>
>*بيشتري قبل الإفطار في رمضان مواد استهلاكية متوفرة عنده في البيت *
>
>*عنده منقل شوي للرحلات يستخدمه مرة واحدة في العيد *
>
>*بيشيل طابع البريد من على الظرف لو الختم ما كان عليه *
>
>*بيفكر إن أي حدا بيشتغل في الخليج بيغرف مصاري من غير حساب وأغنى واحد في*
>الدنيا
>
>*بيكون مشغول بقيمة البخشيش طول العشا.. ياترى 25 ولا 50؟ *
>
>*بيتخانق ساعة دفع الحساب بحرارة شديدة على إنه هو اللي لازم يدفع *
>
>*بيفرش شرشف التخت على طقم الكنب منشان الكنب ما يتوسخ، ولما يجوا الضيوف
>يترك*
>
>الشرشف وما بقيمه
>
>*اذا ركب تكسي طول الطريق بيطلع عالعداد*
>
>*بيركض خلف المواصلات ليل نهار*
>
>*وين ما رحت وترحل الابتسامة لا تغادر وجهه بالسراء والضراء ولكن لماذا يا ترى
>*
>
>*دائما يعيش ضمن الحلم ولا يقبل بان يخرج مما يحلم*
>
>*انه اكثر واحد عنده كرامه في العالم*
>
>
>*صح ولا غلط؟*

الله اكبر ولا واحد رادد

مشـــــــــــــكور

و الله ماني عارفشو بدي اقولك
......شغلات صحيحة و شغلات لا ...
بالنسبة للابتسامة ياخي هههه يحرق ام السالفة يمكن من كثر الطفشو صعوبات الحياة الللي تعلم عليها في بلده و اللي خلتو يضحك على حالو منها و الله اعلم ..

مشكور و الله كلام رائع بس انت ما عطيتنا رايك ..

مشكور على الموضوع الجريء بس اخر جملة عجبتني كتير
انه اكثر واحد عنده كرامه في العالم

عزيزي ممحمد نزيه الامور صحيحة اذا تطبقت على 90 بالمية من الشعب السوري نحنا عممنا ما خصصنا
ومشكورين على المرور الطيب

مشكورين احلى شباب

و ضيف عندك
بيضل حاطط ايده على كبسة الاغلاق يوم بيحكي على الموبايل
و بس خلص حكي بيطلع على الشاشة
إما بيبزق على الشاشة أو بيقول نفدنا

و انتو بتعرفو ليش


مشكور